Праца над альбомам – гэта не выліваньне чагосьці на кагосьці. Гэта даставаньне чагосьці з сябе! Калі ўжо выліваньне – дык нечага зь сябе. Ёсьць іншыя людзі, якія спэцом думаюць, што б такога прапанаваць слухачам… Вось я на канцэрцік прыходжу – якія калі-некалі бываюць – я ніколі не турбуюся пра тое, чым я магу дагадзіць вось гэтым людзям. У мяне сёньня пальцы не варочаюцца, ноты не ўстаўляюцца, хрыпаты голас, - і што я буду корчыць зь сябе гэты агульна прыняты прафэсыяналізм! Мой кампутар – і той у любым стане аднолькава не працуе. Хаця гэта дурная жалезіна, якой прыходзіцца пры ўсёй нянавісьці карыстацца. Ёсьць ноткі, якія можна скапіяваць, але ж нейкія душэўныя парывы скапіраваць немагчыма. (А. Камоцкі для Тузіна Гітоў.)