У Беларусі, пачынаючы з 1994-96 гадоў, істотна павялічылася доля людзей, якія разумеюць, наколькі радыкальна можна ўплываць на “меркаванні” і рэакцыі людзей з дапамогай сучасных інфармацыйных тэхналогій. Як лёгка можна пераўтварыць арганізаванае грамадства ў хаатычную жывёльную масу, зрабіць яе паслухмянай прыладай у руках тых, хто мае ўладу і кантралюе СМІ. Многія беларусы праз аналіз гэтых тэхналёгій навучыліся выяўляць сапраўдныя мэты ўладутрымаючых, набылі імунітэт да маніпулятыўнага ўздзеяння. Але пакуль такіх людзей у нашым грамадстве меньшасць. Таму ў цэлым яно працягвае заставацца “ўдзячным” аб’ектам для прыўладных маніпулятараў.