Еўфрасіння Полацкая, Францыск Скарына, Мікола Гусоўскі, Стафан Баторый, Тадэвуш Касцюшка, курганы, замкі, касцёлы, рэкі, азёры, камяні, Пагоня, гербы гарадоў і шляхецкіх родаў, мілагучнасць мовы і хараство прыроды і многае-многае іншае! Гэта тэмы, якія хвалююць сёння маладыя беларускія таленты. Творы нашых дзяцей насычаны імкненнем жыць і ствараць! І крытэрыем поспеху для іх ёсць гонар і слава нашай краіны. Ад усведамлення іх патрыятызму і адданай творчасці — мацнее вера ў годную будучыню. Нацыя, якая, нягледзячы на катастрофы і катаклізмы, нараджае такіх дзяцей, — мае надзейны падмурак. З такімі дзець мі наш род будзе нязменна мацнець!

У гэты зборнік увайшлі працы пераможцаў дзіцячага конкурсу «Беларусь. Гістарычныя вандроўкі», які ў 2003 годзе правяло Міжнароднае грамадскае аб’яднанне « Згуртаванне беларусаў свету «Бацькаўшчына» . Т рэці год запар выходзяць зборнікі дзіцячых прац, трэці год мы знаёмім чытачоў з лірыч нымі і натхнёнымі тв орамі бел арускіх дз яцей. Экспертная камісія, якая складалася з беларускіх пісьменнікаў і навукоўцаў, атрымала 162 працы з розных куткоў Беларусі, ад маленькіх беларусаў з іншых краін. Абранне лепшых было цяжкім і праходзіла па многіх крытэрыях.

Пераможцы конкурсу атрымалі цудоўны падарунак — магчымасць адпачыць і ўмацаваць здароўе на курорце ў Чэхіі. Аздараўленчы адпачынак будучай творчай эліты Беларусі і выданне гэтай кнігі сталіся магчымымі, як гэта было і раней, дзякуючы славутай беларускай мецэнатцы з ЗША сп. Ірэне Калядзе-Смірноў. (фрагмэнт)