Зборнік складаецца з дзвюх частак. Яго аўтары, вядомыя вучоныя і прадстаўнікі маладога пакалення ў беларускай навуцы, выказалі новыя погляды на развіццё літаратуры, мовы, асветы ў Беларусі і Польшчы, прасачыўшы гэтыя складаныя працэсы ад XVI да канца ХХ стагоддзя. Усе працы ахоплены адзінай канцэпцыяй узаемнага пазнання і вывучэння моўна-літаратурных працэсаў славянскіх народаў. Гэтыя праблемы даследуе новая навука іміджалогія. У яе рэчышчы вядзе свае даследаванні ўпершыню ў Беларусі кафедра польскай філалогіі Гродзенскага дзяржаўнага універсітэта імя Янкі Купалы.