Народнае памінанне

9 траўня і Радаўніца сёлета амаль супалі

Словы “народнае памінанне” я запазычыў з выказвання мастака Рыгора Сітніцы на тэму “Што для нас 9 траўня?”

У тым, што сёлета свята Радаўніцы, якую ў народзе яшчэ называюць Вялікаднем Мёртвых (ён святкуецца на 9-ы дзень пасля праваслаўнага Вялікадня), амаль супала з Днём перамогі, безумоўна, бачыцца сімволіка. Ды й лічба 9 выглядае як перагорнутая лічба 6.

Праўда, для многіх Дзень перамогі – гэта свята ваеннае, з грукатаннем металу і вайсковым аркестрам, з трубамі і фанфарамі, чырвонымі сцягамі і гучнымі прамовамі.

На могілках, дзе ляжаць мільёны загіблых на той вайне, нічога гэтага, канечне, няма. Тут пануюць цішыня і спакой, пашана да продкаў, роздум пра мінулае і пра вечнае.