Міколка-паравоз

Беларусь уступае ў эпоху манархіі?

Прэзідэнт Лукашэнка прадставіў публіцы свайго спадкаемцу на пасадзе кіраўніка краіны – 4-гадовага сына Міколку. Такім чынам, фактычна, Беларусь уступіла ў перыяд манархіі.

Гэта ўжо другая змена палітычнай сістэмы нашай краіны пасля 1996 году, калі Беларусь з маладой дэмакратыі была ператворана ў аўтакратычную дзяржаву. Тады змена адбылася з грубымі парушэннямі Канстытуцыі. За 17 антыканстытуцыйных дзеянняў Вярхоўны Савет прызначыў Лукашэнку працэдуру імпічменту, у адказ на што прэзідэнт з дапамогай высокіх чыноўнікаў з Масквы разагнаў і Вярхоўны Савет і Канстытуцыйны суд.

Новая змена палітычнай сістэмы таксама адбываецца з парушэннямі законаў і Канстытуцыі. Дастаткова сказаць, што ў 2005 годзе Лукашэнка назваў у дэкларацыі аб даходах толькі двух дарослых сыноў і ні словам не згадаў трэцяга, малодшага.